Patiṟṟup pattu

((Originally extracted from master file ^PATIRRU.OCP))
((Last updated on 2004 April 14th))

• {PATI 84-1} eṭuttu ēṟu ēya kaṭippu uṭai atirum
• {PATI 84-2} pōrppu uṟu muracam kaṇ atirntāṅku
• {PATI 84-3} kār maḻai muḻakkiṉum veḷil piṇi nīvi
• {PATI 84-4} nutal aṇantu eḻutarum toḻil navil yāṉai
• {PATI 84-5} pārval pācaṟai tarūum pal vēl
• {PATI 84-6} pūḻiyar kō ē polam tēr poṟaiya
• {PATI 84-7} maṉpatai cavaṭṭum kūṟṟa muṉpa
• {PATI 84-8} koṭi nuṭaṅku ār eyil eṇṇu varampu aṟiyā
• {PATI 84-9} pal mā paranta pulam oṉṟu eṉṟu eṇṇātu
• {PATI 84-10} valiyai ātal naṟku aṟintaṉar āyiṉum
• {PATI 84-11} vār mukil muḻakkiṉ maḻa kaḷiṟu mikīi taṉ
• {PATI 84-12} kāl muḷai mūṅkil kavar kiḷai pōla
• {PATI 84-13} uytal yāvatu niṉ uṭaṟṟiyōr ē
• {PATI 84-14} vaṇaṅkal aṟiyār uṭaṉṟu eḻuntu uraii
• {PATI 84-15} pōrppuṟu taṇṇumai ārppu eḻuntu nuvala
• {PATI 84-16} nōy toḻil malainta vēl īṇṭu aḻuvattu
• {PATI 84-17} muṉai pukal pukalviṉ māṟā maintaroṭu
• {PATI 84-18} urum eṟi varaiyiṉ kaḷiṟu nilam cēra
• {PATI 84-19} kāñci cāṉṟa ceru pala ceytu niṉ
• {PATI 84-20} kuvavu kurai irukkai iṉitu kaṇṭikum ē
• {PATI 84-21} kālai māri peytu toḻil āṟṟi
• {PATI 84-22} viṇṭu muṉṉiya puyal neṭum kālai
• {PATI 84-23} kal cērpu mā maḻai talaii
• {PATI 84-24} pal kural puḷḷiṉ oli eḻuntāṅku ē